هــــــــــمـــــســـــــه حــــــــــب
امتحان كاتبه وزير مسطول 181084347
هــــــــــمـــــســـــــه حــــــــــب
امتحان كاتبه وزير مسطول 181084347
هــــــــــمـــــســـــــه حــــــــــب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 امتحان كاتبه وزير مسطول

اذهب الى الأسفل 
2 مشترك
كاتب الموضوعرسالة
HANA MONTANA

HANA MONTANA


عدد المساهمات : 10
تاريخ التسجيل : 26/11/2009
العمر : 28
الموقع : https://mazzikacool.roo7.biz

امتحان كاتبه وزير مسطول Empty
مُساهمةموضوع: امتحان كاتبه وزير مسطول   امتحان كاتبه وزير مسطول Icon_minitimeالخميس نوفمبر 26, 2009 7:01 pm

السؤال الأول

التعبير



اكتب ما لايقل عن 650 سطر فى أحد الموضوعات التالية :





1) لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة




2) شهدت بلدنا الحبيبة نهضة فى مجال التشييد والبناءوخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

3) بعد انتشار ظاهرة أكل لحم الكلاب والحمير..من وجهةنظرك كحمار تكلم عن هذه الظاهرة ومن المتسبب فيها بس بدون غلط .. الورق متراقب






السؤال الثانى

القصة



من قصة ' وعهد الله ما انت داخل الانتخابات' ... اقرأ القطعة وأجب عن الأسئلة التى تليها :




ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟

1) ما هى اللحمة؟ أو على الأقل حدد أقرب معنى خيالى لها

2) مرادف معجزة فى اللغة ( تغيير وزارى – زيادة المرتبات – رغيف العيش)

3) لماذ ضربه الرجل بالجزمة وليس بالعصى مثلا؟

(كسل .. لسة هيرفع العصاية؟ - عشان العصاية قلة قيمة واحنا فى عصر الديمقراطية – عشان العصاية شغالة مع واحد تانى)




4) حلل بمزيد من التفصيل جملة ضربه بالجزمة ومدىتوافقها مع جملة مصر بتتقدم بينا












السؤال الثالث

القراءة

من موضوع ( الزعيم..و الفنان.. والقدوة)

اقرأ القطعة وأجب عن الأسئلة التى تليها :

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسياكما أنه يرحب بالتوريث ومقتنع بكل سياسات الحكومة

1) ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

2) دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

( أكيد معزوم – طبيعى معزوم – وربنا معزوم )

اختر من بين القوسين على أن تضع إيدك على المصحف وانت بتحلف للمراقب بتاع اللجنة




السؤال الرابع

النصوص

أجب عن أحد النصين الآتيين

أ ) النص الأول

من نص ( ماشربتش من نيلها) .. اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

1) بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..... ما المقصود بنيلها فى النص؟

المسيسبى - الأمازون –يانج تسى



2) هذا النص من نصوص الحزب الوطنى والدليل وجود اسم مهم من قيادات الحزب فى النص. استخرج الاسم. وبوسه من بُقـُّه ورجَّعُه مكانه



3) أكمل الأبيات إلى آخر كحكة فى الكليب



4) قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية ..كلف يا سيدى






ب) النص الثانى




من نص (حين ميسرة)..أجب عن الآتى

1) اذكر اسم مصيبة واحدة محصلتش فى النص الأسود ده

2) وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف... ويعطى أمر التنفيذ بزرار قايمة ستارت مش بإنتر

كمبيوتر إرهابى بقى

3) سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر




السؤال الخامس

النحو



أعرب ما تحته خط

لو مالقيتش القطعة أصلا .. اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيد أمك




السؤال السادس

الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء



الرجوع الى أعلى الصفحة اذهب الى الأسفل
CrazY Nona

CrazY Nona


عدد المساهمات : 73
تاريخ التسجيل : 07/07/2010
العمر : 28
الموقع : https://mazzikacool.roo7.biz

امتحان كاتبه وزير مسطول Empty
مُساهمةموضوع: رد: امتحان كاتبه وزير مسطول   امتحان كاتبه وزير مسطول Icon_minitimeالخميس يوليو 08, 2010 9:32 am

هههههههههههههههههههههههههههه

ده لو الامتحان جالي اكتبلهم معلش اصلي مش بتفرج علي افلام

ههههههههههههههههههه

تسلميلي ياقمر

منتظرين المزيد
الرجوع الى أعلى الصفحة اذهب الى الأسفل
 
امتحان كاتبه وزير مسطول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هــــــــــمـــــســـــــه حــــــــــب :: الضحك والفرفشه :: قسم النكت-
انتقل الى: